雙囍滷味大王

營業中

休息中

呢間雙囍滷味大王都行過幾次，見到外賣飯盒幾抵，55蚊有個鵝片飯，反正今晚都係做孤獨的美食家就買黎試試，店舖細細間主要都係做外賣，價錢都貼晒出黎好搶眼。鵝片飯55蚊黎講幾足料，鵝片就咁數都有9片，仲有1片細既擺底其實一共10片，擺底仲有2塊滷水豆腐，量黎講呢個價錢收貨有多，講返質素就比較普通d，鵝片肉偏鞋口少少，唔夠爽，但都收貨既，豆腐幾好食幾滑，又唔會一夾就散，飯方面就差少少，比較濕同爛，我好怕呢種飯所以扣返d分。例湯買飯仲有湯送幾抵，湯就粟米紅蘿蔔，睇就幾多料仲有粒蜜棗，但飲落都係味精湯，送既就唔好要求咁多，ok啦。鵝腸另外買多少少滷水野加餸，食唔晒可以留第二日，鵝腸買左2兩，幾爽口，唔會好咸。鵝腎鵝腎2個，都係好爽口。豬大腸豬大腸一條，大腸唔會好韌，爽口得黎幾好咬，都算入味無異味，唯獨肥左少少，有d鋪會主動去肥，唔想太肥既朋友主動叫師父走肥啦。另外滷水同蒜蓉醋分開包上，都幾多。整體黎講係幾抵食，不過高質就稱不上叫做ok，飯方面唔好煮咁濕會好d。