影片
更多
2023-04-14
3075 瀏覽
Omakase，廚師發板，宜家大行其道。之前曾經有好出名嘅食評家狠批Omakase🤣，阿薯宜家唔敢亦無能力comment啱唔啱，希望遲啲有咁嘅經驗去comment啦…..喺呢日之前梗係要食多啲學多啲野先啦🤪嚟到‘繼’食Omakase，翻查開飯好似食鐵板燒多，不過因為係屋企人請，當然無所謂😂。如無意外，當日食嘅應該係$1580(+10%)p.p.當日真係食到捧住個肚走，相當抵食之選呢🤡。除咗抵食，佢嘅質素都唔錯，我認為熱食比刺身壽司更令人難忘。Straw-smoked 和牛入口即融，油脂豐腴；鹽焗日本石斑，魚質嫩滑，但略嫌有少少鹹；甜品焦糖多士非常邪惡，麵包上有極多牛油同糖，香脆可口，重口味人士必食，驚肥嘅就千祈唔好食😂刺身壽司方面包括日本生蠔🦪、北海道海膽壽司、香箱蟹、拖羅壽司、富山縣白蝦蝦膏櫻花蝦，仲有野生油甘魚、象拔蚌、深海池魚同澳洲黑鮑等等。生蠔🦪雖然唔係好大隻，不過香甜可口，邊邊位好脆；富山縣白蝦蝦膏櫻花蝦好正，口感好粘，非常鮮甜；仲品嘗咗鱈魚白子😆，阿薯第一次食，入口柔軟，而且味道非常濃烈，食完久久口腔都仲有陣餘韻。最尾嘅鯛魚湯也很好呢，夠曬熱鮮味十足，啱晒食完刺身壽司暖返下
嚟到‘繼’食Omakase，翻查開飯好似食鐵板燒多，不過因為係屋企人請，當然無所謂😂。如無意外，當日食嘅應該係$1580(+10%)p.p.
當日真係食到捧住個肚走，相當抵食之選呢🤡。除咗抵食，佢嘅質素都唔錯，我認為熱食比刺身壽司更令人難忘。
Straw-smoked 和牛入口即融，油脂豐腴；鹽焗日本石斑，魚質嫩滑，但略嫌有少少鹹；甜品焦糖多士非常邪惡，麵包上有極多牛油同糖，香脆可口，重口味人士必食，驚肥嘅就千祈唔好食😂
刺身壽司方面包括日本生蠔🦪、北海道海膽壽司、香箱蟹、拖羅壽司、富山縣白蝦蝦膏櫻花蝦，仲有野生油甘魚、象拔蚌、深海池魚同澳洲黑鮑等等。
生蠔🦪雖然唔係好大隻，不過香甜可口，邊邊位好脆；富山縣白蝦蝦膏櫻花蝦好正，口感好粘，非常鮮甜；仲品嘗咗鱈魚白子😆，阿薯第一次食，入口柔軟，而且味道非常濃烈，食完久久口腔都仲有陣餘韻。最尾嘅鯛魚湯也很好呢，夠曬熱鮮味十足，啱晒食完刺身壽司暖返下。
師傅好健談，每款刺身/壽司/熱食都會解釋清楚；侍應服務有禮。不過刺身數量比我想像中少🤓…..Anyway，正如前所述，阿薯覺得係屬抵食之選，啱初次想試吓嘅朋友仔。店家都有提供$1000以下嘅Omakase，或者可以試吓果種先。阿薯會想回訪，不過下次想試下佢嘅鐵板燒😜，價錢幾百蚊有找，睇落幾吸引。
張貼
