仙果園 (已結業)

請左半日假去見工，見完勁肚餓呀~諗起朋友提過呢間下午茶好抵食就急急腳走黎試下。我去到睇門口個餐牌，19蚊一個下午茶餐，包杯牙幾大杯0既野飲，睇落真係唔錯，就入左去喇~都有一半位有客架﹗我叫左醬汁豬頸肉米線+珍珠奶茶，woo~杯珍珠奶茶真係幾有份量，我數過，最後食到48粒珍珠呀再過5分鐘左右米線就黎左，都真係幾大碗，同埋，d豬頸肉唔係好似一般餐廳咁切到薄it it，而係好似塊豬扒咁厚，仲好大塊添，我覺得好抵食囉有4塊豬頸肉，兩塊爽口，兩塊太稔，d米線都係浸到稔左d，不過以呢個價錢真係好足夠喇食左呢餐，夜晚都唔係幾想再食添呀