越南人 (已結業)

呢期都好興d咩泰國人, 越南人嘅食店, 但師傅就從來都未去過, 為免太過落伍加上附近又有一間, 於是就係今日黎左呢間食店午膳, 感覺係......入到去地方唔算大, 環境光猛, 一位四眼哥哥招呼坐底後, 於是師傅就睇下有咩野食喇! 見到有款午餐, 揀一個粉或飯, 再配多一杯特飲, 睇落去好似好抵食, 於是師傅就柯打左一碗生牛肉湯檬同埋一杯紅豆冰!等左好耐碗生牛肉湯檬同紅豆冰先至擺喺師傅面前, 望住碗生牛肉湯檬發覺賣相唔靚, 生牛肉嘅質素未食已經知係差, 再睇真d係河粉而唔係檬粉, 師傅猶豫左一陣決定都係算喇, 因為個餐牌係寫住河粉, 所以明知佢地係用電腦入單都費事再同佢嘈, 如果唔係都唔知等到幾時先有得食; 不過落單時嗰位四眼哥哥係冇同師傅講到唔可以改為檬粉! 湯底味道一般, 加上唔夠熱, 感覺麻麻; 再望下d牛肉, 發現呢d牛肉同你韓燒嘅餐廳係冇咩分別, 鬆係鬆不過好似浸極都唔熟, 師傅反而驚唔乾淨有菌多d囉 , 希望一陣唔會肚子痛啦; 而河粉都算幾滑身, 加埋芽菜爽口, 口感可以; 而紅豆冰師傅就飲唔到有紅豆味, 反而淨係飲到椰汁味, 仲以為叫左椰汁冰添, 不過望真d係有紅豆係杯嘅