雪吧餐廳 (已結業)

今日約咗朋友去呢一間酒吧到睇波，雖然我同朋友得兩個人，但係呢一間嘢我覺得個環境同埋氣氛都幾好， 同埋環境都算幾大呀啱啱同場都有人找緊生日派對 ，所以我就要寫篇文介紹下佢哋。 咁我哋叫咗以下小食:香辣雞翼 雞翼炸得好入味好似某間店舖嘅土匪雞翼， 而且佢炸雞翼翼都幾入味，辣味十足，餸我嗰支啤酒就十分合適。炸幼薯條: 薯條真係非常之幼细、同埋落咗少少鹽，鹹鹹哋送酒十分適合， 呢個薯條最好嘅地方就係佢係炸薯條但油份比較少算係幾健康嘅煮法。芝士煙肉焗大蘑菇: 呢個大蘑菇超juicy， 同埋覺得非常之香 喺個蘑菇面頭都落咗唔少煙肉，同埋芝士有拉絲嘅感覺， 一咬落去個蘑菇肉嗰啲汁都流曬出嚟呢個我覺得真係幾好食 同埋個蘑菇超多汁。 如果飲飲下酒肚餓嘅朋友呢個mushrooms我覺得都幾值得去叫。到最後我叫多咗支 Asahi， 同朋友睇完波就走囉，呢個場我覺得都幾ok，如果開生日派對或者去睇波嘅朋友，大家可以嚟試下。