Only Buonasera (已結業)

早排睇雜誌見到呢間，早排係尖沙咀諗唔到食乜，就走左黎呢度，果然夠晒靜，如果做老闆真係唔好係度開鋪。靜還靜，其實野食幾好味，同埋好有特色。首先叫左個夢幻頭盤，有個橄欖油浸劍魚柳真係聞所未聞，而且幾滑，重有碟番茄墨魚都相當出色，好軟熟。主菜就叫左劍魚柳同炸雜雜海鮮，好新鮮，我成日都覺得鬼佬識鬼煮海鮮，今次既經驗又唔錯。係個意粉普通左少少，同埋煮得過腍。服務唔錯，呢度既人會因番人數而阻止你叫野，唔會一味賺盡咁，幾有良心。