麻布茶房 (已結業)

下晝3點幾來到，都要等左一陣至可以入坐。其實在日本和台灣都見過Azabu，單從裝修來說呢度係較為失色的。有幸坐在近落地玻璃的檯，所以幾舒適。叫左黃金蕃薯雪糕及白玉紅豆冰淇淋﹝係咁上下名，非100%準確﹞，預左個黃金蕃薯加雪糕會甜到漏，點知無想像中咁甜。蕃薯茸幾好食，軟雪糕都唔錯，但淋上的綠茶醬就多到有少少恐怖。白玉即無餡的糯米團，如配以甜到漏的紅豆再加雪糕就剛剛好，亦是在日本很普及的甜品，有時佢地仲會加埋用茶粉沖、苦到澀的綠茶簡直是perfect match！但這裡的紅豆茸唔夠甜，可能要遷就香港人的口味都唔定，所以有點兒失色。宇字金時即紅豆加綠茶雪糕及刨冰，如大熱天時食就最正，所以留番遲少少再來吃過。埋單80幾蚊，未食過可以來試試。話時話又唔覺D服務好差，都幾有笑容的。