大哥雞飯去骨海南雞 (銀幕街)

營業中

休息中

今晚喺呢頭按摩，見肚餓就諗住食埋嘢先返屋企。本身想去川亭食但要排隊，就走咗過嚟呢間食海南雞。見佢套餐都幾抵食，包嘢飲仲有一碟菜，就叫嚟試吓。上枱見佢海南雞色澤柔潤，食落果然好滑，算係我食過咁多間嚟講最滑嘅海南雞之一。份量嚟講亦都正常，唔會話太少食唔飽。而家習慣咗盡量少油，所以就冇叫油飯叫白飯，我估叫油飯應該都幾香。另外嘢飲就叫咗杯熱檸茶加碟菜心，呢啲都係正常發揮，不過有齊呢啲嘢就會覺得滿足啲，起碼晏啲冇咁快肚餓。