渝味曉宇重慶老火鍋 (新城市廣場) (已結業)

今日就嚟咗呢間火鍋店啦，自己本身都好少出街食火鍋，但朋友介紹之下就嚟咗呢度試試。食物嘅種類選擇都算好多，最好嘅就係好多食材都係預先處理好唔使自己搞，仲有時間器俾我哋計時，包保唔會overcook。因為自己平時食得太多牛肉所以嗌左黑毛豬，用佢嗰麻辣湯底煮真係唔錯，但係唔食得辣嘅朋友就建議唔好用麻辣湯底煮。而我地叫嘅韭菜豬肉水餃都好香同惹味。手打蝦滑無論味道定口感都唔錯。另外佢嘢飲選擇都好多，我哋兩個人嗌左一揸洛神花茶，佢份量都好大杯同埋好解到辣，仲有佢食之前會比一份糖水你中和啲辣湯，好貼心。另外環境上都坐得幾舒服，我哋兩個人坐張枱都想隔得幾遠，每張枱都幾闊。同埋我哋係平日中午食人流都唔算太多，坐得好舒服，所以整體上我覺得都好正。