Lost in Thai (已結業)

唔使去九龍城，原來太子都有間唔錯嘅泰國菜。蝦醬雜菜蝦球湯，飲落個湯勁濃郁嘅蝦醬香味，仲有少少辣辣地，幾好飲幾特別，蝦球都幾大隻，爽口彈牙，仲有勁多菜嘅入面，好足料。泰式蝦球柚子沙律，個泰式沙律汁，好開胃，配埋d勁多汁嘅柚子，好fresh,蝦球都非常大隻。炸雞卷，即叫即炸，熱辣辣，外脆內嫩，好惹味嘅小食。軟殼蟹咖哩，有3大隻軟殼蟹，份量十足，炸到好鬆脆，點埋個咖哩汁，勁夾，加埋印度薄餅，食到停唔到口。泰式熊bear bear 奶茶，個賣相勁得意，好似隻熊bear bear喺度浸浴咁，飲落d奶茶勁香濃，好滑，好飲。泰式碟豆花檸檬梳打特飲，杯飲品好夢幻，有3層不同嘅顏色，入面仲有粒玫瑰花造型嘅冰粒，好靚，飲落酸酸甜甜好好味。