HOKO Farm (已結業)

放工同同事經過呢間新開既餐廳，裝修幾清新幾relax~我叫左個牛扒，賣相都好吸引！木板上菜，好有田園feel ~肉質都幾juicy, 份量剛剛好，女仔食一定夠飽！配菜沙律好新鮮，薯角香脆，值得一試！朋友叫左個豬扒拼香煎帶子，我地share食～豬扒肉質幾嫩滑，但我個人覺得帶子先係主角，好甜好鮮！仲要好厚肉！正！飲品方面，我叫左杯熱士多啤梨綿花糖朱古力，好香士多啤梨味，本身杯朱古力唔太甜，配合綿花糖甜味剛剛好！Yummy ! 朋友叫左杯熱鮮奶抹茶，有驚喜！拍得住出名日本餐廳既！好香濃抹茶味，鮮奶亦好滑！抹茶控可以一試！漏左提，按人頭有麵包送，個芝麻餐包好軟，熱辣辣好味道！