櫻木 (裝修中)

行街行到攰攰地，經過呢間日本餐廳樓下見到menu d 菜式幾特別，於是上去一試。餐廳幾靚，裝修幾有格調，坐得舒服唔太餓，所以只叫左兩樣嘢🐮牛仔脾肉 （ard$150）一般餐廳較少見牛仔脾肉，呢間日本餐廳提供唔少菜式都係坊間較少見的，有d 感覺似fusion 菜。呢個菜式嘅汁偏鹹，但口感幾特別，肉質偏瘦所以較韌d，不過中間冇煮到全熟，唔會太孩，牛肉味好香濃。 🐦鵝肝牛油果卷（ard$100）平時唔食鵝肝因為嫌佢太膩同埋有d 鵝肝會帶腥味，但係呢個鵝肝卷一d都唔腥膩，反而好清新，牛油果同鵝肝好夾，兩樣都係健康油脂，鵝肝令整個卷口感更加綿密香濃，呢個幾好👍🏻有驚喜😝