願榮光咖啡館 (已結業)

俾佢外面嘅mural art吸引咗，行落樓梯進入小巷，感覺幾興奮，裏面嘅空間幾特別，燈光昏暗幾有氣氛。1:30pm嚟到，侍應話set lunch兩款剩返一款，冇得揀，都冇睇清楚個set有乜嘢，就決定咗要呢個set lunch😆 呢度其實係主打咖啡，一個後生嘅Barista為我哋介紹左佢哋嘅咖啡，資料詳盡，最後揀咗Columbia咖啡。Set lunch好快嚟到，先飲啖麵豉湯，唔熱，只係少少暖，我唔食得鹹嘅都覺得味道超淡，完全唔覺得係麵豉湯；栗子飯唔錯，用咗紅米，不過就得一粒栗子碎；洋蔥豚肉嘅份量都唔錯，味道可以；麻醬菠菜都冇乜特別；咖喱薯仔蘿蔔味淡，冇咖喱味，有微波爐叮過嗰種過熱嘅感覺⋯⋯ 喺日本嘅和風set lunch通常第一件事會有杯茶或者水，呢到就少咗呢樣嘢囉⋯⋯Set lunch食完等咗好耐咖啡都唔嚟，雖然唔係趕時間，但係都想知嚟定唔嚟，嚟嘅話會幾時嚟⋯⋯ 餐廳又唔係好忙，過咗約40分鐘，Barista就攞齊裝備，坐低咗喺我哋面前講解和烹調咖啡，另外解釋咗點解要等咁耐，佢話前面有三個客喎⋯⋯ 不過佢冲得好細心，講解左好多飲咖啡嘅竅門，攞返少少分數⋯⋯ 咖啡嘅味道都唔錯，冇酸味，