老虎岩餐室 (已結業)

嚟到油麻地幾出名嘅老虎岩餐室，唔算好多人，一嚟到就有位，仲有上一層可以揀。我就揀咗呢個全餐57蚊，唔算平，但有晒我有興趣嘅野所以特登嚟試下~蕃茄芝士牛肉多士﹕個多士幾香脆，芝士同蕃茄幾夾，美中不足係啲牛有啲乾，所以食落有啲吃力。手工燒賣﹕魚肉有香味，雖然得3粒但全部都大大粒唔錯~黑糖仙草奶茶﹕唔會太甜但一般~成間餐廳都好多年輕嘅店員，感覺餐單同其他餐廳都唔同，所以覺得幾有意思~  順帶一提我去個日個廁所好污糟...... 希望唔係日日都係咁啦~