游° (已結業)

平時都有食下素菜，不過fine dining feel 嘅就真係第一次。所有菜式都要幾日前pre-order, 飲品就可以到時先點。奧利維爾沙律配紅魚子沙律整得唔錯，調味都岩岩好，雖然講紅魚子，不過呢個都真係似素食嘅；伴碟調咗唔同色嘅沙律醬，好靚。威靈頓牛柳上碟個下都真係幾似真牛柳，仲要整到紅紅地好似未煮熟咁😂。食落質感上係幾似牛嘅，不過當然冇牛味啦；反而個酥皮好有驚喜，超好食，唔會覺得好膩。玫瑰蘋果酥整體味道都好好，唯獨我覺得上碟欠缺些少美感。得兩件但用個大碟，好怪。法式千層酥呢個都好好味😋 佢嘅吉士比起平時嘅拿破崙香，唔會比奶味蓋過晒。