真．奶 (已結業)

💛#黃店元朗裕榮徑算係美食街成條街都係餐廳，不過依間就唔見太多人幫襯比較靜😳主打乳酪奶，各款水果乳酪奶，有得飲手搖但又唔使咁肥！款式仲有梳打系列、其他奶類特飲、抹茶同朱古力系列。Aello已經結業所以可以轉去依間幫襯🙌🏻👓小粉紅 M$38士多啤梨乳酪奶，係小店Top1。本身飲品已經少甜底，我哋想健康啲再微甜而老闆又同我哋講可能會好酸，不過最後又覺得可以喎唔算太酸反而係乳酪味仲突出。飲到真係用真嘅士多啤梨打落去，有果籽，唔係嗰啲假士多啤梨醬有藥水味。整體係好飲，不過唔太平，同埋唔知佢用咩乳酪所以有啲難評價cp值。評分：7/10