WM咖啡廳

好開心無意中比我發現到幾百蚊，可以喺酒店度食聖誕餐，就係西貢間WM hotel $588一個四道菜嘅聖誕餐，出返市區，實在冇可能幾百蚊食到。 唔係講笑啲嘢食仲要好好食，主菜仲可以揀牛扒，酒店質素的確高，由前菜、主菜最後連甜品樹頭蛋糕，都好好味。前菜有特色，餐湯係栗子蘑菇湯，真係食到一粒粒栗子，好香好好味。牛扒係肉眼扒，牛肉味道濃郁，有口感，仲要好大塊又唔使額外加錢，五成熟啱啱好，芥辣唔會好辣但好香，紅酒汁可以提升成塊扒嘅味道，酒店水準的確高質。最後仲有餐飲，可以嗌咖啡同埋新鮮檸蜜，另外甜品蛋糕上的聖誕老人配飾，實在冇可能唔瘋狂影相，食完飯仲可以喺酒店周圍打卡，無端端好似去咗半個旅行一樣，平安夜快樂！Yeahhh