壹食就醉

營業中

休息中

好耐冇試過打邊爐，咁啱約咗朋友係尖沙咀食飯，佢話食過呢一間幾好食於是我哋就去咗試吓。座位幾闊落，坐得幾舒服。本身想叫卜卜蜆鍋，點知原來賣晒，睇嚟個個都食卜卜蜆。於是我哋叫咗個豬骨湯底，湯底都真係幾足料，有幾舊好大舊嘅豬骨。每次打邊爐都一定要叫肥牛，但係我哋見到今次有一隻牛肉叫做牛脊片，睇落都好唔錯喎，冇肥牛咁多肥肉，但係肉味就濃啲。我哋仲叫咗個手打芝士墨魚丸，芝士味都幾重，如果鍾意食芝士嘅話應該都會鍾意寫，而且墨魚丸都幾彈牙。最後我哋仲去某社交平台like左個page，送咗一渣五花茶，幾解渴。