Magic Touch (大鴻輝(荃灣)中心) (已結業)

上網介紹話平靚正就特登黎試下。裝修都好夠光，簡單，乾淨。服務員態度中規中矩，無話特別好亦無黑面。用平板電郵黎點菜，我幾鍾意，環保 d 唔洗浪費紙張印刷嘛。價格中等，唔平唔貴，質素好過爭鮮咁解。食物上得都算快，好快就齊曬。火炙三文魚都幾好食，半熟咁好滑口，好香。玉子一般，蛋香不足。蟹棒就太乾身了。刺身方面，帶子同甜蝦 ok但三文魚唔夠肥美，不重油脂香，比較一般。手羽燒得夠曬乾身又唔會好焦，唔錯。仲有其他，但果陣太餓，食完先醒起未影相哈哈哈。埋單兩個女仔食左 $277 下次就應該未必會再黎了，唔係特別出色。