大阪李朝園 (已結業)

呢間其實我都唔知佢算係食d咩 不過佢有自制章魚小丸子就真係吸引到我 我夜晚食$128 其實都幾貴下 不過整呢個野真係好過癮 同朋友兩個一齊整 都可以增加合作性 搞呢個野都搞左成個鍾先有得食 個重點係 好熱 好埋原來要落超多油 唔係佢好痴低好難反轉佢再加麵糊 做既過程佢有教 不過落手個一下就真係好難咁😂😂😅 我就咩材料都落晒 章魚啦 泡菜 洋蔥 整完之後我發現同出面食真係差唔多 不過真係要整到燶燶地先好食 千萬唔好好似我咁見佢熟左就吉佢上黎 林晒冇口感 好古怪 味道方面都會有小小辣 此終有泡菜 佢既漿都係自己加 有燒汁同沙律漿 其實襯埋一齊都幾咸 同埋佢都好多粒 兩個人都食到膩都未食完個隻 佢座位都一般 唔算好逼 不過佢個冷氣機係咁吹住我個頭 最尾佢幫我熄左佢 同埋d姐姐都好hea落完單就走人 問左幾次先比杯水 整既過程佢都係制過黎望兩眼 我覺得食一次就夠