酷廚 (已結業)

今日放假同男朋友去咗D2 place 行街，行到餓餓地就決定搵嘢食。望到呢間叫Kool kitchen既餐廳好似幾得意就決定試下，原來佢係一間泰越西餐廳。水牛城辣汁雞翼 $68醬汁唔算太辣，係可以接受嘅程度。雞翼幾大隻，應該係用巴西雞翼，所以肉質比較多汁同嫩滑。炸雞翼 $58味道有啲似食緊脆香雞翼，不過炸粉少肉多呢點做得幾好。個人覺得炸雞翼好食過水牛城雞翼。泰式香辣蒜片欖油鮮蜆扁意粉 $135其實呢個無咩辣味，係得微辣既感覺，扁意粉吸收左橄欖油同蒜既香味都幾好食，又唔會好油，意粉亦都做得夠彈牙煙銀。紅棗茶 $28好少見到有單係紅棗茶飲，夠養生！