虎鐵鐵板燒

營業中

休息中

今晚係SOGO行完街就去左隔離幢大廈食鐵板燒，地點超級方便，餐廳除左有bar檯，仲有卡位，過幾日就係萬聖節，餐廳仲放左好多萬聖節裝飾，好有節日氣氛。今晚就揀咗 $2880/2位 既套餐。意大利玫瑰花茶牛油果海蝦沙律牛油果同沙律菜非常新鮮，海蝦鮮甜，配埋柚子沙律汁非常開胃。蟹肉海膽松露溏心蛋半熟嘅溏心蛋非常嫩滑，上面放上海膽同埋食用金箔，黑松露味非常突出。火焰帆立貝店員會係面前將帆立貝燒一燒，燒完好香，帆立貝好厚身，湯汁用左松柏葉黑松露汁，非常惹味。活鮑魚配蟹肉海苔醬鮑魚爽口彈牙，醬汁係蟹肉海苔醬，感覺清新，加埋雞冠草，鮑魚內臟同蟹籽一齊食，層次豐富。活龍蝦配海膽醬龍蝦肉質非常爽口彈牙，味道鮮甜，醬汁係用蝦頭嘅膏同海膽整成，好濃郁。西班牙黑毛豬薄燒黑毛豬肉質軟熟，切到薄身，燒完放上蒜頭一齊食，非常香口。黑松露三文魚籽海膽杯炒飯炒飯粒粒分明，配埋海膽同三文灸籽好夾。刺身帶子豆腐𩶘魚湯魚湯湯底濃厚，魚味濃郁，配上食用既刺身級帶子，非常鮮甜。鐵板梳乎厘雪糕梳乎厘非常軟熟，空氣感滿滿，雪糕有幾款口味選擇，芝麻味唔會太甜。