秋田鐵板燒刺身專門店

營業中

休息中

呢間野真係好適合慶祝生日，同朋友睇完餐牌，揀咗個秋田二人前套餐share，季節沙律，沙律上面嘅係水晶海草同蓮芋，醬汁係柚子醋，水晶海草脆口，沙律整體味道酸酸甜甜，開胃菜，師傅準備食材，龍蝦勁新鮮，會郁，仲係好生猛，雞泡魚乾，魚籽鵝肝蒸蛋，魚籽係烏魚籽，口感脆卜卜，滑嫰嘅蒸蛋有好濃郁嘅鵝肝味，鮮活龍蝦半隻，師傅將龍蝦頭內的龍蝦膏挖出嚟煮醬汁，再將龍蝦肉切件，煎到咁上下，再淋上頭先用龍蝦膏煮出黎嘅醬汁（有牛油﹑甜豉油同sake）龍蝦肉彈牙，味道鮮美，季節時令海鮮（蒜芯配螺片），日本蒜芯清脆爽甜，螺片爽脆，份量不少，因為係刺身級別嘅螺片，炒幾下就可以上碟，如果煮得太耐就會太韌，原隻鮮活南非鮑魚，昆布碎配鮑魚，昆布碎喺鐵板上，畀師傅炒香之後，會放喺鮑魚下面墊底，做法：師傅會將一塊大昆布放喺鮑魚上面，上面再灑上海鹽&白酒，跟住就會蓋上蓋，師傅好細心咁切走曬鮑魚內臟同鮑魚咀，最後灑上少少胡椒粉調味，同淋上師父自己煮嘅忌廉海苔汁，鮑魚大隻厚肉，彈牙有咬口，鮮甜有鮑魚味，昆布碎配忌廉海苔汁亦很夾，朋友和我都吃清光，香煎頂級鵝肝，黑色係黑醋醬，點鵝肝用，同鵝肝一齊食冇咁膩，鵝肝上面仲有黑魚子同埋金箔喺到