宴 尖沙咀

屋企人生日, 揀左佢最鍾意嘅日本餐。然後喺網上搵到呢間日本餐廳，就打算帶成家人一齊嚟呢度食。一入嚟，就俾佢哋呢個日本風嘅裝修吸引，好靚。呢排排sake睇住都好吸引，第日可以自己再嚟享受。大家都好鍾意食刺身，所以直接點咗5款刺身拼盤。入面有深海池魚、拖羅、海膽、帆立貝同埋牡丹蝦。每一款都非常新鮮，擺盤好特別，好靚。燒豬手都好唔錯，豬手嘅皮好嫩，入口即化。肉質軟嫩適中，非常好食。呢間店嘅擺盤好靚，睇住就好有食慾。雞肉串好香，醃得好入味，加埋梅子醬，簡直係一流。之後仲點咗苦瓜炒豬肉。我唔太敢食苦瓜，不過入面嘅雞肉真係好好食，軟嫩嘅肉質加埋少少苦，味道好獨特。佢哋嘅雞肝處理得好乾淨，口感好軟嫩，唔錯食。腐乳嘅味道好濃烈，口感滑溜，感覺呢間店嘅腐乳比傳統嘅腐乳更加有獨特嘅味道。最後仲叫咗海葡萄，食起嚟好清爽，沾埋旁邊嘅酸汁，仲更加可口。食物都非常唔錯，一家人都食到好開心。