影片
更多
2025-02-08
0 瀏覽
呢間cafe喺疫情期間我嚟咗好多次，嗰時覺得都幾健康又好食，疫情後都同朋友嚟過幾次，不過今次係隔咗一年先再嚟…我叫咗個有吞拿魚同沙律嘅turning point bowl，加錢要咗個水牛城雞翼，同一杯mocha，但真係對佢嘅味道有啲失望…首先吞拿魚嗰碟，吞拿魚同沙律同牛油果都冇乜問題，但嗰塊酸種麵包一咬落去有陣油益味，我本身好鍾意食酸種麵包嘅，諗住忍耐下陣味食咗佢啦，但第二啖後真係頂唔順，嗰浸油益味真係搞唔掂，另外佢有少少雞肉嘅，可能因為呢碟嘢係凍食，所以雞肉會有啲啫喱黐住，我都麻麻哋好似未解凍咁跟住嗰個跟餐平$10，加咗$38要嘅水牛城雞翼，我覺得呢個真係唔應該放落餐牌，佢除咗勁酸，係冇其他味道，辣味或其他調味都食唔到，嗰隻酸味亦都係冇任何味道層次，總之係一個酸字，因為唔想浪費，我又試過將另上俾我嘅柚子沙律汁加落雞翼到，再試，但其實真係唔得，所以第三隻真係食唔落去…至於杯mocha，餐牌寫70%比利時朱古力（無糖），所以有啲期待，點知除咗好重奶味之外，得好淡好淡嘅咖啡同朱古力，早知就乖乖哋叫番americano飲因為呢個質素，我好奇地上嚟openrice睇食評，見好多人話服務唔好，咁
我叫咗個有吞拿魚同沙律嘅turning point bowl，加錢要咗個水牛城雞翼，同一杯mocha，但真係對佢嘅味道有啲失望…
首先吞拿魚嗰碟，吞拿魚同沙律同牛油果都冇乜問題，但嗰塊酸種麵包一咬落去有陣油益味，我本身好鍾意食酸種麵包嘅，諗住忍耐下陣味食咗佢啦，但第二啖後真係頂唔順，嗰浸油益味真係搞唔掂，另外佢有少少雞肉嘅，可能因為呢碟嘢係凍食，所以雞肉會有啲啫喱黐住，我都麻麻哋好似未解凍咁
跟住嗰個跟餐平$10，加咗$38要嘅水牛城雞翼，我覺得呢個真係唔應該放落餐牌，佢除咗勁酸，係冇其他味道，辣味或其他調味都食唔到，嗰隻酸味亦都係冇任何味道層次，總之係一個酸字，因為唔想浪費，我又試過將另上俾我嘅柚子沙律汁加落雞翼到，再試，但其實真係唔得，所以第三隻真係食唔落去…
至於杯mocha，餐牌寫70%比利時朱古力（無糖），所以有啲期待，點知除咗好重奶味之外，得好淡好淡嘅咖啡同朱古力，早知就乖乖哋叫番americano飲
因為呢個質素，我好奇地上嚟openrice睇食評，見好多人話服務唔好，咁老實講今日除咗成餐飯冇俾杯水我之外，啲職員係正常服務嘅，又唔覺得冇禮貌。
埋單$240，呢次應該係我最後一次喺度食了
0 瀏覽
0 讚好
0 留言
張貼
