芝C Sushi (匯景商場) (已結業)

落開藍田探個朋友，佢話呢頭只係得一間真黃店，食壽司既，問我制唔制。咁我好明白係藍田咁藍既地方，開大道門做黃生意係難既，呢區無咩選擇都可以理解。雖然我唔係咁好食生冷野，但過去支持下都要啦。一間細細既舖面入面企住三個黑衫叔叔，面門好多黃貼紙啊文宣咁，正中間有一個記者figure，好型！佢早由612開始已經瘋狂罷市，11月西灣河果次出post講睇到新聞唔開心。同香港人企埋一齊，我地都會同佢企埋一齊！$44 芝味加拿大海膽手卷$38 芝C卷海膽鮮甜，芝士味好香，食到落最底一啖飯都仲有芝士係到，正！見佢連舖名都叫芝C，知佢主打芝士就嗌個芝C卷。可能食完海膽再食佢，好食但無咁大驚喜，不過都好足料。無端端係腰間竄左一個小妹妹出黎，佢拎住張廿蚊紙細細聲講唔該蘋果綠茶。黑衫叔叔第一次唔係咁聽得清，問妹妹係咪要xxx啊？見小妹妹無扤頭確認，又口擘擘細細聲講野，叔叔即刻走去收銀bar枱閘門下面個窿到捐個頭出去，好耐心温柔咁問小妹妹想要咩。真係估唔到叔叔原來係個暖男。好人一生平安。