壹小店 (已結業)

平時假日經過都好多人，但今日可能晏左，去到見唔洗排就諗住試下🔸Angus Beef Burger $92個包應該係用竹炭整，但食落去都係無咩特別味，個牛好juicy唔會話食到好乾，不過個包好厚，最後都係要分開食，中間仲夾住啲洋蔥、菇，食落口感好豐富。🔹Classic Frittata $99本身以為食依個唔飽，但原來入面有薯仔粒，飽肚感大增，不過略嫌太多黑椒，黑椒味已經蓋過曬其他味。仲有個沙律同洋蔥湯，個洋蔥湯都幾有驚喜。🔸T black $48咖啡同可樂既份量岩岩好，兩隻味都飲得到，原來依個配搭味道都唔錯。🔹Summer cooler $40店內主要都係咖啡為主，非咖啡飲品選擇相對少。依杯係莓味，但飲落似藥水味。🔸Coffee creme brulee $42好少試到咖啡味既焦糖燉蛋，不過面頭層糖如果厚啲就會好啲，同埋啲蛋唔係好夠滑。