雲南啊老表黑山羊湯鍋米綫 (已搬遷) 新店位置

黎開佐敦中午時間揾啲野食， 搜到雲南老表幾好評， 仲有我鐘意食既羊肉， 一於黎試下， 好彩早入黎坐低， 食食下滿坐要等位， 都幾旺場。研究左個餐牌一陣, 我入得黎就梗係會食羊肉， 但大家要注意細碗其實都好大碗， 大碗就係超級大碗， 建議大家落單前睇下隔離左右先決定。 我地兩個人要左羊肉有皮大碗， 店家好醒目自動自覺俾埋2套碗仔同匙我地。湯底唔會太咸， 飲得出有用羊肉煲， 羊肉細細件但份量唔少， 都幾香肉味， 調味料唔會過多， 可以食到羊肉本身既鮮味， 整體都幾好食。口痕叫埋豬肉餃子食， 肉好乾好柴， 自己去超市買黎煮果d仲好食。