八居酒屋 (旺角新城)

營業中

休息中

本身經網上預訂食晚餐，入店前有改預約時間去拎個openrice優惠（單品82折），睇下有冇機會用到，但感覺店員全程極不友善且態度差劣。本身店鋪要求要每人單點一杯正價野飲先有優惠，呢樣野係店鋪規則冇問題既。但當問店員拎茶時，店員很不客氣咁講「你地要叫正價野飲先有折扣架喎」。入店溝通時店員已經講左唔至一次呢樣野，都已同店員講過幾次係知道既，唔係好明點解要再三提示。而最後我地係冇選擇去拎呢個優惠既，因為食物質素欠佳，唔會想再點多d野。叫左個壽司盛（8貫178），出黎壽司係暖既，三文魚唔新鮮，呢個價錢去任何一間大型連鎖壽司店都唔止呢個份量同質素。到埋單時店員收錢，由同佢講簽卡到簽完卡為止，係冇一聲多謝，咩都冇講就走左去。從來冇見到有日式居酒屋咁冇禮貌，差過樓下茶記。絕對冇下次，極度不推薦。