發記甜品 (已結業)

我想講個間發記甜品係位於尖沙咀寶勒巷2號呢間. 但可惜未見openrice 有呢間鋪頭.只能在這裡發表一下. 星期日晚食完飯七點零就黎左呢度食甜品.可惜由入門口開始我地六個人. 個店員一直企係度, 但好似機械人咁款.同佢講六個人佢無理, 亦唔會叫我地入去坐, 幸好時間尚早, 好多位. 所以自己行入去搵位再將d枱拍埋. 店員全程佢都無理過.同佢講d枱有污蹟, 幸好都尚算有反應拎埋布黎抺但全程無表情.六個人得兩個餐牌我地睇得好辛苦, 佢過左數分鐘先識拎多一個黎比我地.到叫野食. 要咩無咩(呢樣唔關個店員事). 要士多啤梨的甜品無, 要豆花的甜品都無. 另外有一個什麼沖繩xxx (講左頭兩個字已經話無).最後只好叫返d好傳統的食品. 芝麻糊, 綠豆沙之類.好坦白食品係唔差. 個芝麻糊出黎時係好夠熱. 而且唔似機磨 得個滑字.  食落去係有口感會好d 一粒粒的芝麻. 其他食品都唔差. 鮮果涼粉條都有西瓜同其他生果.  都好足料只不過比個機械人式的店員攪到你係度食得好無癮.