影片
更多
2021-05-16
564 瀏覽
第一次幫襯 決定唔會再食第二次戴眼鏡嗰位收銀服務態度極差下午約一時半左右 午餐時間商場內好多食肆差本上都排晒隊唯獨呢間全店得一個客人 無睇錯係係午餐時間得一個客為咗快 所以就選擇咗呢間拉麵店本身都諗住外賣返去食加上門口都有寫外賣自取八折點知就做咗人生最錯嘅選擇本身價錢都唔平見有一人餐就諗住試下$104 幾款拉麵揀一個4款小食揀一個同包一罐汽水然後小食下面寫咗師傅推介小食不過就要另外加錢見佢一人前餐牌分ABC咁寫啲拉麵名又水蛇春咁長咁我哋就跟A1 B2咁叫餐啦點知收銀位眼鏡仔問返我哋其實叫緊乜？我哋再講想叫個A1餐咁然後施施然拎起佢攝咗係側面嘅一人前餐牌照讀返啲水蛇春咁長嘅字出嚟問我哋其實係咪講緊呢個Excuse me? 記唔到自己公司menus其實唔緊要但係唔需要比悔氣說話個客聽OK?咁最終我哋講返廣東話啦跟住佢讀返嗰啲水蛇春咁長嘅字「和歌山唔知咩鰹魚汁乜叉醬油拉麵」然後叫小食咁好多餐廳加錢小食都可以無限叫或者免費小食+1種加錢小食咁叫佢個餐牌又無寫原來只能叫一種咁原來呢間叫咗免費小食就無得加錢再叫其他小食嘅咁就算啦 揀返一樣小食咁其實個設定無乜問題但係都係眼鏡仔收銀態度可以好啲唔加得
戴眼鏡嗰位收銀服務態度極差
下午約一時半左右 午餐時間
商場內好多食肆差本上都排晒隊
唯獨呢間全店得一個客人
無睇錯係係午餐時間得一個客
為咗快 所以就選擇咗呢間拉麵店
本身都諗住外賣返去食
加上門口都有寫外賣自取八折
點知就做咗人生最錯嘅選擇
本身價錢都唔平
見有一人餐就諗住試下
$104 幾款拉麵揀一個
4款小食揀一個同包一罐汽水
然後小食下面寫咗師傅推介小食
不過就要另外加錢
見佢一人前餐牌分ABC咁寫
啲拉麵名又水蛇春咁長
咁我哋就跟A1 B2咁叫餐啦
點知收銀位眼鏡仔問返我哋其實叫緊乜？
我哋再講想叫個A1餐咁
然後施施然拎起佢攝咗係側面嘅一人前餐牌照讀返啲水蛇春咁長嘅字出嚟
問我哋其實係咪講緊呢個
Excuse me? 記唔到自己公司menus其實唔緊要
但係唔需要比悔氣說話個客聽OK?
咁最終我哋講返廣東話啦
跟住佢讀返嗰啲水蛇春咁長嘅字
「和歌山唔知咩鰹魚汁乜叉醬油拉麵」
然後叫小食
咁好多餐廳加錢小食都可以無限叫
或者免費小食+1種加錢小食咁叫
佢個餐牌又無寫原來只能叫一種
咁原來呢間叫咗免費小食
就無得加錢再叫其他小食嘅
咁就算啦 揀返一樣小食咁
其實個設定無乜問題
但係都係眼鏡仔收銀態度可以好啲
唔加得唔緊要 唔好就咁一句質埋嚟
「淨係可以單點喳喎」
然後點餐飲都無乜嘢
叫左2罐汽水 跟手同佢講拎走
然後眼鏡仔收銀就話餐點外賣得9折
我嗰時都無懷疑就照比咗錢先啦
因為淨係點餐都同佢搞咗好耐
事後我睇返晒佢舖頭貼嘅所有餐牌/紙仔
包括餐牌上嘅細字 都無寫到明餐點外賣得9折
係得門口大大隻字寫住外賣自取8折
唔知咁係咪觸犯咗商品說明條例呢？
不過都俾咗錢 費事再同佢嘈
諗住可能真係好好食呢
然後返去拎外賣
我遞埋張單係眼鏡仔面前都被直接無視
成個俾外賣嘅過程佢好似啞咗咁
到我開口問係咪唔洗單？
佢先再一句質埋嚟「唔洗」
真係嬲嬲哋 我就掉返張單係佢枱面
返到去 罐可樂個底凸到企唔穩嘅喂
呢單嘢其實真係無可能扮唔知喎大佬
算啦 我倒落杯飲
兜嘢外表一般 咁外賣唔多唔少會走樣都正常
佢哋賣點係個醬油湯底...
唔....其實都好一般 話加咗鰹魚汁但一啲鮮味都無
塊日式又叉燒勁肥
唯一係拉麵唔錯 都幾有咬口
其他就不了
不過呢餐真係食到背脊骨落
唔會再幫襯第二次
張貼
