素食媽咪 (已搬遷) 新店位置

早幾日好想食齋，就去太子的“素食媽媽”試下，由旺角行過去也不太遠20分鐘左右，但係天氣真係勁熱。去到十二點幾已滿座，我叫左個 set lunch $50, 一碟節瓜粉絲黑木耳素雞紅米飯， 一碗木瓜薏米腐竹湯， 啲餸好清淡，而重點係個湯好清甜。 set lunch 算係抵食有飯有湯,如果散叫其他野食要六十幾蚊以上不包湯，湯要再加18蚊，所以以後唔煮飯都會嚟呢度食晏呀。 如果長期食佢既午餐，我認為減肥會成功， 夠飽肚但係好清淡。 另外，店員有禮貌和笑容，真係要讚一讚。