上戶酒場 (已結業)

首先一定要讚吓呢度嘅侍應們，佢哋聽到我有咗BB，專登將茶變成熱水（孕婦不宜飲太多茶），仲推介我食啲熟食（例如鐵板豆腐），見我淨係點咗伊比利亞豚肉鍋，仲問我會唔會唔夠食，可以加烏冬，勁細心！上菜又勁好禮貌，齋係呢兩點已經值得我再嚟！前菜：緹魚醬蔬菜。用新鮮嘅蔬菜，配上香濃嘅緹魚醬，令人食指大動。緹魚醬有一種特別嘅風味，咸咸香香咁，同蔬菜嘅清甜味非常夾！作為前菜真係好正！串燒：煙燻秋葵(兩串)、煙燻雞翼(兩串)、日本黑豚肉腸(兩串)。煙燻秋葵表面帶點輕輕焦香，內裡則保持爽脆。煙燻雞翼嘅雞皮烤至金黃色，肉質香濃多汁，皮脆肉嫩。日本黑豚肉腸肉質勁細滑彈牙，味道清淡不膩！冷盤：磯煮鮑魚(原隻)。鮑魚肉質厚實彈牙，味道香甜清新！刺身：刺身盛合五款。包括有三文魚、吞拿魚、油甘魚、鯛魚同埋帶子，雖然我有咗唔食得，但老公不斷大讚😭話超級勁新鮮勁好食！我齋望都見到每款刺身都勁肥美勁厚切，流晒口水😭熟食：鐵板豆腐。估唔到係咁好食！豆腐質感柔滑，個醬汁甜甜哋勁開胃，表面再加入蔥粒，更香！麵食：伊比利亞豚肉鍋加烏冬呢個麵食。伊比利亞豚肉有一種香濃嘅肉味，湯底係壽喜燒湯，入面仲加入咗大量娃娃菜、菇類等等，加埋彈牙