東哥點心籠仔蒸飯專門店 (已結業)

平時在基榮小學站等巴士時，經常看到這間店舖，好奇到底食乜東東，上次看見有雞煲和點心任食放題已覺得幾吸引，今日經過旺角就專程試吓！哈⋯⋯而且食完返屋企就可以出門口上巴士非常方便。10幾款熱選點心任食：蝦餃、燒賣、醬汁鳳爪、山竹牛肉、灌湯餃、春卷、鮮竹卷、蒸排骨等等，我們特別點了蝦餃和灌湯餃，蝦餃晶瑩剔透，粒粒飽滿！灌湯餃大隻餡料多，店員附上紅醋感覺特別滋味！我們不敢吃太多因為好戲在後頭！招牌雞煲(半隻或全隻)(走辣至大辣)：雞件大小適中，肉質不錯，非常入味而且味道是好食的。本人最怕雞肉的雪味，但是呢個招牌雞完全沒有。尤其雞脾部份的雞肉特別香滑，點辣雞煲更加滋味！任食火鍋配料：包括特選肥牛、牛肩胛、牛板腱、骰仔牛粒、廣島𧐢、原隻扇貝、墨魚滑、雲吞、午餐肉、枝竹、脆魚皮等等，牛肩胛肉非常新鮮，肥瘦均勻，我們加點了多次！值得一讚是蔬菜非常新鮮，吸收雞煲湯底確實好味架！要提一提所有店員都有禮貌，無論加點菜式或者有任何要求，店員都有回應有交帶，令人食得舒服，俾個讚👍🏻所有店員姐姐，大大增加回頭率！