影片
更多
2009-07-02
12 瀏覽
聽同事講已返食咗幾回，今晚又在荃灣區活動，就專程行去試一試，事關佢位置係離開荃灣市中心，要在荃豐再行入多兩個商場至到，佢係位處一樓的商場舖，舖仔細細，得廿零個座位，有兩張枱甚至擺到出舖外邊，隔鄰都係其他類型店舖。論環境就唔可以有咩要求，張枱細到只可以擺兩碟主菜，餐具size亦偏細，餐刀係頭輕腳重，可能要就番細小嘅枱面掛 ; 泊埋牆嘅係sofa位，但係冇挨pan，差過茶餐廳，我雖然唔係坐入去，但感覺應該唔舒服。廚房同樓面可以話係分隔唔到，因為入面有一半舖位做咗廚房，男嘅做廚，女嘅負責樓面，只係用幾塊簡陋嘅掛廉做分隔，同一般淨做快餐嘅地舖冇乜分別。觀乎今晚嘅menu，發覺推介菜式唔多，當然理解佢地嘅情況，雖然得七款推介，但係竟然兩款羊架都係賣哂，咁侍應推介我地嘅兩款牛柳，其中一款其實我已經一早諗住叫嘅，咁佢推介埋另一款威靈頓牛柳比我地，見佢咁有心，當然要問一問分別喺邊，佢竟然話唔知道分別，但話都好多人叫、幾好食嘅，咁嘅答案真係出乎我意料之外。全部推介都係跟飯、意粉或薯菜，再另加$10可跟餐湯、餐飲及蒜蓉包，而逢五、六、日食推介或晚餐仲可以優惠價享用酥皮海鮮湯、芝士焗蠔、芝士餅或Tirami
廚房同樓面可以話係分隔唔到，因為入面有一半舖位做咗廚房，男嘅做廚，女嘅負責樓面，只係用幾塊簡陋嘅掛廉做分隔，同一般淨做快餐嘅地舖冇乜分別。
觀乎今晚嘅menu，發覺推介菜式唔多，當然理解佢地嘅情況，雖然得七款推介，但係竟然兩款羊架都係賣哂，咁侍應推介我地嘅兩款牛柳，其中一款其實我已經一早諗住叫嘅，咁佢推介埋另一款威靈頓牛柳比我地，見佢咁有心，當然要問一問分別喺邊，佢竟然話唔知道分別，但話都好多人叫、幾好食嘅，咁嘅答案真係出乎我意料之外。全部推介都係跟飯、意粉或薯菜，再另加$10可跟餐湯、餐飲及蒜蓉包，而逢五、六、日食推介或晚餐仲可以優惠價享用酥皮海鮮湯、芝士焗蠔、芝士餅或Tiramisu。
今晚我地叫咗兩個牛柳餐、全部跟餐湯、餐飲及蒜蓉包，其中一個再加$15改為酥皮海鮮湯。
1. 忌廉湯 - 湯裡仍有未攪勻嘅忌廉，一小舊一小舊浮沈於湯中，情況唔嚴重，但口感唔Creamy，味道淡淡的，感覺唔到忌廉嘅存在，而且冇加入其他材料嚟煮(例如磨菇、紅蘿蔔、南瓜之類，給一般Cafe比下去，只可以同一般茶餐廳相比。
2. 酥皮海鮮湯 - 要另加$15，酥皮做得不錯，唔會焗燶，金黃色脹卜卜 ; 材料唔算豐富，有幾粒蜆肉，加幾粒日式蟹柳，湯底同之前嘅忌廉湯冇分別。
3. 鵝肝伴牛柳 - 鵝肝煎得過火，表面燶得滯，其實佢用咁薄嘅鵝肝，應該輕輕煎一煎就算，脆皮當然欠奉，變咗質地鞋口，似食雞肝多過鵝肝 ; 牛柳表面色水煎得唔錯，不過侍應冇問過我地要幾成熟，但係又唔見得廚師有幾叻，因為兩舊肉嘅生熟程度都唔同，其中一舊甚至係over done咗 (唔止係well done)，不過雖然係咁，但我估佢地應該有用上鬆肉粉 (或梳打粉)，還要是大量的，如果唔係冇理由睇見肉質又老又鞋，但仍然可以保持軟熟 ; 而個汁雖然有黑椒，但一啲都唔辣唔香 ; 伴碟嘅係炸薯角，煎得表面金黃香脆，比主角還要好吃，而蔬菜則用上脆玉瓜+茄子，應該係冇烚過就煎，變咗兩種瓜都未熟透心，
4. 威靈頓牛柳 - 唔怪得知侍應姐姐都講唔出兩隻牛柳嘅分別比我地聽，因為本人就認為兩煮嘅味道好相近，唯獨是呢碟嘅牛柳係medium well，食得出呢碟係煎得更加軟熟，其餘嘅伴碟大致一樣。
5. 蒜蓉包 - 係我地突然省起嘅情況下，問返侍應，侍應至記得原來忘記咗落單。麵包應該可以整得燶啲，表面可以脆啲，用嘅唔係新鮮蒜蓉，而係用蒜油。
6. 熱檸水 - 唔會有咩大問題，但係侍應就唔記得拎沙糖，不過老闆設計頗為特別，亦都好醒目咁利用一隻小玻璃杯嚟放置沙糖，不但別具心思，而且可以慳返印製糖包嘅錢。
7. 凍檸茶 - 已經落埋糖槳，茶味唔特別濃，中規中矩。
最後醒起同事推介嘅木槺布甸，侍應都係回覆賣哂，可能舖仔細細，唔會成日入齊貨掛，但係佢係寫喺推介黑板上面，試問就算幾好生意，夜晚七點幾又點會咁快賣哂呢.........
Comments: 總括而言，味道比茶餐廳稍為好，但環境及服務就稍遜，但又比一般真正嘅Cafe為貴，似一間家庭式經營嘅飯堂。以呢區、呢個地段、環境及食物，絶對係唔抵食，比同類食肆mark高一至兩成 (已經冇加一了)，或者如果作為返工中午嘅一個落腳點會更為合適。
張貼
