豪華餅店 (已結業)

一場出到九龍城，唔係唔嚟探下豪華餅店下華！🤭我地每次到九龍城都會嚟豪華買糯米糍走， 今次都唔例外， 但去到見到我心愛嘅奶油包又好想食，好彩今次有為食姨甥同我一齊，所以我可以買一個share。買嘅時候店家婆婆叫我買最後一個，最初我聽唔清楚，再問一次先知原來佢叫我唔好買普通奶油包，要買奶油排包，話好味好多，得返最後一個，唔買就走寶喇，咁我緊係聽話啦😁🤭。果然用排包做真係好味好多，因為排包更軟熟，帶少少甜味，包本身係較薄片所以每口都食到幼滑奶油cream同椰絲香。我同姨甥爭住食😁。而必買嘅糯米糍，夏天有芒果口味，好fresh好香甜，媽咪鍾意食紅豆餡，所以姨甥專程買返去孝敬佢親愛嘅婆婆😏。