梅子貓舍 (已結業)

今日係最後一日，因為明天就裝修2個月啦，12月先重開，所以朋友一通知我們就出發啦，而我貓狗都喜歡的，去到得1枱客，我們係第2枱客，當時無咩貓見到，環境比較細，不過無異味，衛生都ok,之前見到有人寫話有氣味，但今日就無喎，我們4個人叫左2個早餐，2個豚肉飯(點知無豚肉，改左雞扒) 我們一邊搵貓影相，一邊等食物，等了30分鐘…連飲品都未有，當時得一個人，我相信佢逐個煮，我都唔好意思追，不過餓到呢……真係等到扣晒分，真係足足30分鐘，先黎2個早餐，早餐份量都好大份，個炒蛋甜甜地， 同落左奶和忌廉，好滑幾特別，白色比黃色多，麵包燶左d, 咸左d, 沙律菜配醋好fresh，有d白色腸仔片，煙肉一塊，粟米粒。 總括係等得耐，但幾好0000食喎，最誇張係，我已經食完個早餐，個雞飯都仲未黎，所以我真係覺得，如果無貓貓真係唔掂，當我們坐耐左，可能d貓貓熟左d,開始跳上椅，和我們的枱，貓貓開始多起來有5隻左右，佢地都係家貓，即我們唐貓，而且係同一家人黎，一父二母，佢地仔女已經長大，所以樣子很像，餐廳有2本相薄介紹佢地，店主就是養自己貓兒，而開貓cafe, 沒有收容其他貓感覺，如果可以工作同時係做自己喜歡的