影片
更多
2007-07-30
29 瀏覽
星期日，見幾好天氣，搭巴士去咗石澳泳灘游水，諗住搭返尾班309號巴士返中環搵嘢食，點知趕唔切搭尾班車添，唯有轉搭9號巴士返筲箕灣食嘢。其實一早已經想去筲箕灣東大街食嘢，不過得個講字，咁大個人都未曾去過，今次總算巧合地有個機會囉。見到安利魚蛋粉同埋王林記已經關咗舖，今晚就去食咖哩啦，反正男朋友都無乜所謂既。店舖比較細，等咗大約十分鐘就有位嘞，點咗咖哩牛仔腩套餐，包括餐湯、烤餅或白飯及餐飲（轉特式烤餅或特飲加十元），我哋揀咗烤餅及轉特飲士多啤梨冰沙。牛仔腩一啲都唔腍，唔掂，不過個咖喱汁就唔差，唔會太辣（因本人唔食得辣），仲有啲黑椒味添。烤餅有兩件，都幾大件，幾厚身，又熱又脆又好味。仲點咗咖喱雜錦海鮮加白飯，呢樣好食過套餐既咖喱牛仔腩，本人就鐘意呢種咖喱汁多啲，同樣又係唔太辣，啱晒本人口味。白飯都幾大兜架，仲以為係一碗白飯添。不過，有樣嘢要提一提，士多啤梨冰沙等咗好耐都未到，差唔多食晒所有嘢先至嚟，仲要催咗兩次先到，渴都渴死啦... >.<
其實一早已經想去筲箕灣東大街食嘢，不過得個講字，咁大個人都未曾去過，今次總算巧合地有個機會囉。
見到安利魚蛋粉同埋王林記已經關咗舖，今晚就去食咖哩啦，反正男朋友都無乜所謂既。
店舖比較細，等咗大約十分鐘就有位嘞，點咗咖哩牛仔腩套餐，包括餐湯、烤餅或白飯及餐飲（轉特式烤餅或特飲加十元），我哋揀咗烤餅及轉特飲士多啤梨冰沙。牛仔腩一啲都唔腍，唔掂，不過個咖喱汁就唔差，唔會太辣（因本人唔食得辣），仲有啲黑椒味添。烤餅有兩件，都幾大件，幾厚身，又熱又脆又好味。仲點咗咖喱雜錦海鮮加白飯，呢樣好食過套餐既咖喱牛仔腩，本人就鐘意呢種咖喱汁多啲，同樣又係唔太辣，啱晒本人口味。白飯都幾大兜架，仲以為係一碗白飯添。
不過，有樣嘢要提一提，士多啤梨冰沙等咗好耐都未到，差唔多食晒所有嘢先至嚟，仲要催咗兩次先到，渴都渴死啦... >.<
張貼