影片
更多
2018-06-19
346 瀏覽
昨晚7個人本來到九龍灣得寶分店食晚飯，非繁忙時間，5點9開始等左9個字先入到去，以為想拍埋2人台比張8人台比我地所以要先等耐D，但原來入到去係喺另一邊4人卡位搭張2人枱，如果你一開始就識咁做我地唔會嘈，但等左8個字之後要一大班男仔坐得咁屈質有冇搞錯？之後我地見另一邊可以拍到4張2人枱，就同店員提出想轉位，但店員竟然叫我地同店長講，話佢地新黎唔敢出聲，ok, 我地過到果邊之後同店長講，果位一來就已經黑口黑面嘅店長同我地講只能安排6人枱比我地就行開左，但係我哋七個人呀點樣坐六人枱呀？ 佢串串貢話安排左原先個位，我地質問返明明一開始就可以有條件可以咁做，點解要我地等足9個字先比枱？ 佢就話總之只會安排6人枱比我地仲話一開始冇4人卡位+2人枱，我地咁多隻眼望住有位呀大佬！ 然後連續兩次眾目睽睽之下，問都唔問就拉開我地張枱，態度差到沒有更差！我地其實一坐底已經落單，你為左做夠出面等緊嘅8個人頭嘅生意，而得失緊7個已經點餐既客，真係咁做生意？本身只想見人少少又時候早，人多等都唔會好耐 ，點知最後等足9個字仲要受你個店長一肚氣？簡直不知所謂！ 我一世都唔會再踏入呢間完全冇服務質素可言既店！簡直受到前
之後我地見另一邊可以拍到4張2人枱，就同店員提出想轉位，但店員竟然叫我地同店長講，話佢地新黎唔敢出聲，ok, 我地過到果邊之後同店長講，果位一來就已經黑口黑面嘅店長同我地講只能安排6人枱比我地就行開左，但係我哋七個人呀點樣坐六人枱呀？ 佢串串貢話安排左原先個位，我地質問返明明一開始就可以有條件可以咁做，點解要我地等足9個字先比枱？ 佢就話總之只會安排6人枱比我地仲話一開始冇4人卡位+2人枱，我地咁多隻眼望住有位呀大佬！ 然後連續兩次眾目睽睽之下，問都唔問就拉開我地張枱，態度差到沒有更差！我地其實一坐底已經落單，你為左做夠出面等緊嘅8個人頭嘅生意，而得失緊7個已經點餐既客，真係咁做生意？
本身只想見人少少又時候早，人多等都唔會好耐 ，點知最後等足9個字仲要受你個店長一肚氣？簡直不知所謂！ 我一世都唔會再踏入呢間完全冇服務質素可言既店！簡直受到前所未有既侮辱同唔尊重。
題外話/補充資料：
之後返屋企睇下佢地FACEBOOK專頁， 發現呢個店長唔止一次比人投訴， 點解有咁多分店既舖頭一個管理層既服務態度可以咁惡劣？比人多次投訴仲可以不知悔改？ 平靚正既大把， 我點解仲要入黎受你氣？ 以後真系請我都唔去。
(以上食評乃用戶個人意見 , 並不代表OpenRice之觀點。)
張貼