怡苑燒鵝酒家 (已結業)

　　下午茶時間竟然得幾十台客人左右 , 本來仲擔心點心唔掂先至咁少人 , 好彩我地點左幾樣點心都好食過潮家 , 可惜唔知係咪早茶市個陣太好賣 , 到左下午茶時段所有腸粉都暫停供應 , 咁大間酒家連腸粉都可以冇得比客人食真係搞笑。怡苑蝦餃皇 ~ 皮好薄蝦亦好新鮮蚧皇蒸燒賣 ~ 外形同材料味道都唔錯鮮竹牛肉球 ~ 食落唔會又粉又"淋" , 夠爽口入味蠔油鮮竹卷 ~ 入面既蝦好彈牙 , 個汁又好唔會太咸柱侯金錢肚 ~ 芋頭入味 , 金錢肚唔會好韌千層馬拉糕 ~ 雖然同我想像中唔同 , 不過口感好鬆軟蜜汁叉燒包 ~ 細佬話呢度既叉燒包好正 , 一口氣食兩個翡翠花枝餅 ~ 炸成金黃色脆口上素腐皮卷 ~ 夾完之後見到隻碟超級油 , "淋"哂韮王蝦春卷 ~ 一睇就知道係機製現成買黎炸 , 唔掂　　四個人食左$123 , 又唔係特別平 , 食物質素總括黎講都唔差 , 不過冇令我有一種想再光顧既衝勁。