黑瀧板蕎麥專門店 (已結業)

剛好有要事要到港貿中心，search 到這間出名食蕎麥麵的日本餐廳，8點幾來到都要排一排。明明有見有好多枱客出嚟，但冇人得閒招呼同執枱，有少少無奈。好彩最後安排到一張大卡位給我們二人，比較舒適。我們點了和牛牛小排陶板燒($248)，賣相吸引，有個陶板比你自己燒，和牛非常香，份量算多，肉質較嫩一點會更好。店員教燒蔬菜時先下牛油，十分香口。套餐包前菜，三文魚刺身同炸蠔，仲有個主食(麵/烏冬), 很豐富。特上壽司套餐($218)就有7件壽司，味道一般。蕎麥麵要加$10，建議吃凍的，麵質較爽，有蕎麥麵的香味，熱的太軟了，而且味道普通。