Tommy Yummy (The LOHAS康城)

營業中

休息中

去住喺康城嘅朋友屋企玩 見到呢間喺中環都有分店嘅泰式餐廳～就決定試吓啦！入邊嘅裝修有種泰國cafe feel感覺幾新式我哋兩個人總共嗌咗兩個set 小食分別嗌咗木瓜沙律同埋魚餅 木瓜沙律好feel~好開胃 份量都好大 作為前菜兩個人share都OK 㗎 另外本身係想要蝦餅 不過賣晒就揀咗魚餅啦 質地好彈牙主食我哋叫嘅係咁金邊粉同埋黃咖喱印度餅 好推薦咖喱 配乜嘢都好夾 係有少少甜嘅嗰種咖喱！本身食泰國菜我都會鍾意青咖喱多啲 不過今次真係唔會咁覺得 因為真係好濃郁再配上蟹肉 讚！🫶🏻🫶🏻嘢飲我哋叫咗椰子飄香咖啡 同埋鮮芒椰香柚子露 兩杯都好推！咖啡有淡淡的椰香味 令到飲落去唔會太澀 柚子露真係有成片芒果喺上面可以食😂仲有啲果肉飲落去可以有啲咬口🫶🏻🫶🏻最後甜品簡直必食 芒果乳酪疊疊冰 每次食呢啲冰都會好驚食到最後剩勁寡嘅冰 食嚟食去都係同一樣嘢 但係呢個入邊係會收埋糯米飯㗎！！！！😭對於我呢種好鍾意煙韌嘢嘅人就算食到幾飽都好都要食埋佢😭😭😭😭😭😭😭仲要配上上面嘅乳酪（其實比較似淡味嘅cream）真係食不停口 一定要食！🥺🥺