京滬佳餚 (The LOHAS康城) (已結業)

期待已久既康城唯一大商場開咗都一段時間，陸續有唔同既餐廳開業，康城終於都唔再係一滴水都冇既沙漠。今日就去咗食其中一間中菜。餐廳夠晒闊落，仲有露天座位。餐牌選擇有好多。前菜前菜爽口蓮藕配脆豆開開胃。冰鎮柚子鮑魚 $188冰鎮鮑魚有水準，上碟已經好吸引。大大隻又爽口，而且配柚子酸酸地的味道十分討好。招牌酸菜海斑片海斑片份量足，大量酸菜薯粉芽菜等配料，酸麻味道恰到好處，如果你食到少少辣應該都會喜歡，對得住”招牌”兩個字。招牌小籠包 $68小籠包皮薄飽滿，湯汁豐富，價錢唔貴，令人想叫多兩籠。爆汁牛肉煎餅 $48爆汁程度不下於小籠包，但牛肉煎餅屬於香口一類，對比小籠包又係另一種享受。酲醋小排骨 $88賣相吸引，感覺似雪花襯托，絕對帶動到食慾，酸甜味道開胃。上湯火腿津白 $88津白清甜多汁，火腿鹹香十足，強烈的對比。瑤柱蛋白炒飯 $108飯粒分明，滲出瑤柱鮮香，夠味又唔鹹。雷沙湯丸 $38一咬開口感煙韌的湯丸皮，就有滿滿的芝麻餡。