影片
更多
2021-11-30
173 瀏覽
同屋企人幫襯咗好幾年嘅西餐，質素唔錯價位合理，位置絕佳嘅佢相信都係唔少街坊嘅食堂～是日餐湯係椰菜花忌廉湯，有粒粒椰菜花嘅口感唔會打到變晒蓉。加錢可以升級做龍蝦湯，湯嘅質感濃稠，味道香濃帶點鮮味，配搭軟熟微暖嘅餐包就perfect，仲有蝦肉食。今次食嘅香煎三文魚除咗賣相一流之外仲皮脆肉香，調味唔太重，最鍾意係個檸檬牛油汁，香滑冇分離，更加帶出三文魚嘅味道。春雞同樣都做到雞皮脆脆地鎖住肉汁嘅效果，雞肉嫩滑，自家烹製嘅燒汁亦有特色，加咗鵝肝入去煮，口味濃郁豐富。兩道主菜嘅配菜都一樣而且份量幾多，最好食係有香草調味嘅新薯，亦幾欣賞佢落咗洋蔥、煙肉去炒邊豆，食落唔會太單調。食埋個朱古力心太軟做甜品(記住預15-20分鐘早啲order)，流心嘅朱古力漿配雲呢拿雪糕相信冇人會唔鍾意，仲有雜錦切粒水果伴碟嘅小小心思。除咗普通咖啡茶外，依度嘅飲品都幾值得嗌，天氣涼咗飲到大大杯嘅鮮奶咖啡/抹茶真係暖入心呢～
是日餐湯係椰菜花忌廉湯，有粒粒椰菜花嘅口感唔會打到變晒蓉。
加錢可以升級做龍蝦湯，湯嘅質感濃稠，味道香濃帶點鮮味，配搭軟熟微暖嘅餐包就perfect，仲有蝦肉食。
今次食嘅香煎三文魚除咗賣相一流之外仲皮脆肉香，調味唔太重，最鍾意係個檸檬牛油汁，香滑冇分離，更加帶出三文魚嘅味道。
春雞同樣都做到雞皮脆脆地鎖住肉汁嘅效果，雞肉嫩滑，自家烹製嘅燒汁亦有特色，加咗鵝肝入去煮，口味濃郁豐富。
兩道主菜嘅配菜都一樣而且份量幾多，最好食係有香草調味嘅新薯，亦幾欣賞佢落咗洋蔥、煙肉去炒邊豆，食落唔會太單調。
食埋個朱古力心太軟做甜品(記住預15-20分鐘早啲order)，流心嘅朱古力漿配雲呢拿雪糕相信冇人會唔鍾意，仲有雜錦切粒水果伴碟嘅小小心思。
除咗普通咖啡茶外，依度嘅飲品都幾值得嗌，天氣涼咗飲到大大杯嘅鮮奶咖啡/抹茶真係暖入心呢～
張貼
