影片
更多
2023-04-20
47 瀏覽
好耐無過嚟康怡 AEON STYLE 購物，趁啱啱攞咗消費券，專登過嚟掃貨。快活不知時日過，行下行下，原來已經到咗晚飯時間，即刻搵地方醫肚。記得超市對面有間西餐廳，之前幫襯過，食物水準唔錯，原來店鋪早前搬咗上去 3 樓，一於過去回味下。餐廳環境闊落，座位舒適，燈光柔和，令人心情放鬆。點咗兩個 Dinner Set，套餐配有餐包、是日餐湯及咖啡或茶。南瓜忌廉湯，用蓉蓉口感嘅南瓜配以幼滑嘅忌廉，飲完暖笠笠。干邑龍蝦湯 (+$28) 龍蝦湯啖啖濃香，Creamy 滑溜，又鮮又甜，加上湯內嘅新鮮大蝦，鮮味 Double Up﹗和牛芝士漢堡 ($208) 漢堡包連薯條及沙律菜以木托盤呈上，勁大份，睇頭十足，賣相一流！漢堡扒真材實料，食到啖啖牛肉，肉質紮實兼有超濃肉香，調味亦啱啱好，半溶芝士更係加分之處，配埋蕃茄、生菜同鬆軟嘅麵包，口感超豐富。燒紐西蘭羊架配薑味甘筍蓉 ($288) 羊架羶香味濃郁，肉質新鮮嫩滑，入口非常 Juicy，同薑味甘筍蓉好夾。配菜份量十足，有車厘茄、薯仔、甘筍和燒南瓜等，飽肚又健康 ！餐茶點咗兩杯特飲，凍水蜜桃梳打 (+$20) 同 凍抹茶鮮奶紅豆 (+$28)。梳
記得超市對面有間西餐廳，之前幫襯過，食物水準唔錯，原來店鋪早前搬咗上去 3 樓，一於過去回味下。
餐廳環境闊落，座位舒適，燈光柔和，令人心情放鬆。
點咗兩個 Dinner Set，套餐配有餐包、是日餐湯及咖啡或茶。
南瓜忌廉湯，用蓉蓉口感嘅南瓜配以幼滑嘅忌廉，飲完暖笠笠。
干邑龍蝦湯 (+$28) 龍蝦湯啖啖濃香，Creamy 滑溜，又鮮又甜，加上湯內嘅新鮮大蝦，鮮味 Double Up﹗
和牛芝士漢堡 ($208) 漢堡包連薯條及沙律菜以木托盤呈上，勁大份，睇頭十足，賣相一流！
漢堡扒真材實料，食到啖啖牛肉，肉質紮實兼有超濃肉香，調味亦啱啱好，半溶芝士更係加分之處，配埋蕃茄、生菜同鬆軟嘅麵包，口感超豐富。
燒紐西蘭羊架配薑味甘筍蓉 ($288) 羊架羶香味濃郁，肉質新鮮嫩滑，入口非常 Juicy，同薑味甘筍蓉好夾。配菜份量十足，有車厘茄、薯仔、甘筍和燒南瓜等，飽肚又健康 ！
餐茶點咗兩杯特飲，凍水蜜桃梳打 (+$20) 同 凍抹茶鮮奶紅豆 (+$28)。梳打酸酸甜甜，內有粒粒椰果，味道好 fresh，散發著淡淡蜜桃清香。
抹茶鮮奶味濃又無苦澀味，甜度亦啱啱好，紅豆大大粒，好正，同抹茶簡直係絕配！
張貼
