民華魚蛋粉麵

營業中

休息中

喺大埔食消夜都冇乜幾間有得食，去到大埔墟有一間叫做民華餐廳，正常佢會收凌晨兩點，我哋就入去醫肚，入到去坐低得返幾枱客，我哋就即刻叫嘢食，廢事阻住人哋收工。我哋叫咗個四寶米粉加魚皮， 同埋奶醬多烘底加一杯凍檸檬茶，平時下午茶就會食茶餐，但係今日反而想叫啲特別啲嘅嘢食下。好可惜佢冇河粉，我哋最後叫咗米粉，佢啲墨魚丸好食，而且湯底都好有魚湯味道。個奶醬多上面好多奶醬，但係個麵包烘得唔夠脆，凍檸茶就檸檬味好重，同出面茶餐廳差唔多。不過食過咁多次，我都係鍾意食佢嘅雪菜肉絲米粉配炒蛋腸仔，下次都係下午茶再食過。