鮨幸 (已結業)

父親節中午一家去銅鑼灣「 鮨幸 sushi Kou 」食咗個廚師發板壽司。雖然好早訂位但係都係訂唔到 bar 枱，減弱咗食廚師發板嘅味道。雖然是廚師發板，但係食嘅主要都係大路嘅壽司，拖羅海膽甜蝦池魚......。有時諗，食普通嘅廚師發板，其實同喺壽司鋪自己落 order 分別不大，都係差唔多嗰啲壽司。嗰日嚟講，壽司係好味，魚同海膽都夠新鮮；性價比嚟講，以廚師發板嚟講算係平，以普通壽司店嚟計就算係貴。