影片
更多
2022-07-13
101 瀏覽
間餐廳位置好隱蔽！差d以為我fd老點，搵好耐先見到度門。原來係廚師發板嘅串燒餐，坐低之後完全冇Menu俾你參考，只係根據當日餐廳收到嘅食材去整嘢食俾你，考廚師嘅創意同功力。至於你會食到啲咩呢？就冇人知，每道菜好似抽盲盒咁，哈哈1. 小食 鱈魚乾 點調咗味嘅mayonnaise有d辣，魚乾好脆，似薯片咁。2. 蝦籽青瓜沙律，青森蘋果，牛油果，一串螺肉。麻醬，青瓜好清爽。螺好有咬口，3. 清酒煮日本蛤蜊。勁香清酒味！中間好似食緊蠔咁，外邊係有咬口嘅部份4. 九州雞肉釀冬菇，溫泉蛋。用咗走地雞，加咗少少雞軟骨增加口感。一上枱已經勁香菇味5. 蝦膠串燒蝦餅，上面有意大利陳年黑醋，蝦籽。好彈牙，上面仲有少少日本莞荽調味。6. 串燒白鰻，先蒸後燒，脆身。上枱再加磨咗粉嘅柚子皮。有粒小蕃茄，超鮮甜，有少少激烈嘅酸味，加埋柚皮，超夾勁爽！魚皮好脆！7. 燒九州去骨走地雞翼，一隻鹽燒，一隻加咗菊花同芽葱。勁香燒過嘅雞皮味。山葵漬日本准山，勁爽口，微微wasabi味，帶d黏黏嘅口感，好清新爽口。雞皮燒到脆晒，帶少少黑椒8. 燒牛舌，伴燒露筍，醒大葱麻油，有少少辣。露筍好鮮嫩，有燒牛嘅肉汁香。牛舌好爽口，
間餐廳位置好隱蔽！差d以為我fd老點，搵好耐先見到度門。
原來係廚師發板嘅串燒餐，坐低之後完全冇Menu俾你參考，只係根據當日餐廳收到嘅食材去整嘢食俾你，考廚師嘅創意同功力。至於你會食到啲咩呢？就冇人知，每道菜好似抽盲盒咁，哈哈
1. 小食 鱈魚乾 點調咗味嘅mayonnaise有d辣，魚乾好脆，似薯片咁。
2. 蝦籽青瓜沙律，青森蘋果，牛油果，一串螺肉。麻醬，青瓜好清爽。螺好有咬口，
3. 清酒煮日本蛤蜊。勁香清酒味！中間好似食緊蠔咁，外邊係有咬口嘅部份
4. 九州雞肉釀冬菇，溫泉蛋。用咗走地雞，加咗少少雞軟骨增加口感。一上枱已經勁香菇味
5. 蝦膠串燒蝦餅，上面有意大利陳年黑醋，蝦籽。好彈牙，上面仲有少少日本莞荽調味。
6. 串燒白鰻，先蒸後燒，脆身。上枱再加磨咗粉嘅柚子皮。有粒小蕃茄，超鮮甜，有少少激烈嘅酸味，加埋柚皮，超夾勁爽！魚皮好脆！
7. 燒九州去骨走地雞翼，一隻鹽燒，一隻加咗菊花同芽葱。勁香燒過嘅雞皮味。山葵漬日本准山，勁爽口，微微wasabi味，帶d黏黏嘅口感，好清新爽口。雞皮燒到脆晒，帶少少黑椒
8. 燒牛舌，伴燒露筍，醒大葱麻油，有少少辣。露筍好鮮嫩，有燒牛嘅肉汁香。牛舌好爽口，牛肉香好濃，呢個嘅調味不得了！
9. 鹿兒島豬腩肉捲萵筍串燒，上面加咗長州蝦醬，勁香蝦醬味！咸香味勁出，超吸引！仲有粒好似蕎頭咁嘅嘢，漬物。好爽口，入口唔會好咸，提鮮！
10. 美國安格斯牛肋骨肉串燒，上面有紫洋蔥，下面配咗蒜蓉牛油燒粟米。牛油粟米超香！點解可以咁香？勁正！牛肋骨肉係一塊塊肉串住中間咁燒，好似mini kebab咁，令你唔會食得好狼狽，一啖咬一舊出黎。牛肉味道有少少蕃茄，洋葱，蒜味，好日式！肉都好淋。
11. 昆布紫菜白布烏冬，立魚魚蛋。粒魚蛋勁軟，仲好鮮甜！布烏冬辣到咀，成大塊都好熱，唔似平時烏冬，似塊厚嘅皮但口感順滑嘅。
12. 焦糖燒菠蘿，北海道3.6牛乳布甸，綠茶蕨餅配十勝紅豆醬。布甸勁香奶味，好似飲緊3.6牛奶咁，但味道再加重！菠蘿即燒，上枱慢慢食仲出緊煙！表層有燒到焦嘅糖，整走咗黎食，燒完嘅波蘿好清甜，唔想影響陣味~ 蕨餅有3舊，好食，個兜好有日本宮殿茶點嘅感覺，好高級
食咗成晚侍應勁勤力，狂幫你加茶！杯茶幾時都夠熱
張貼
