大喜家日本料理 (已結業)

可能仍於新年期間，所以客人數量唔算太多，唔需要點等位，坐嘅位置亦可以俾我哋選擇。因為放題，我哋一行三人一坐低就劃嘢食，第一張單都算快，剌身新鮮，炸蝦唔多粉，串燒雞軟骨夠味。但蟹粥似白粥，燒帶子出晒水。見第一張單可以，我哋再接再厲俾第二張單。等咗15分鐘都唔見有任何嘢食，我哋俾第三張單。再15分鐘過去，除剌身外，咩都冇嚟過，今次剌身得一兩片，而且賣相唔吸引之餘，仲好似人哋食淨嘅咁見啲嘢食咁耐唔到，我哋搵個侍應問問，佢話就話追，轉頭走去收其他枱，仲要三個都係咁未夠個半鐘已成肚氣，未試過食放題要等嘢食，仲要最終唔嚟，而且仲要唔飽咁賣單走囉！