影片
更多
2020-10-07
39 瀏覽
某閒日放工行經廟街見到有間小食店賣玉子燒好似有好多人幫襯，咁我地又埋去湊熱鬧啦，其實天氣真係好熱，我想舒舒服服入茶記堂食都好，不過女朋友又扭話要食就一於排吓。佢門口有好多文宣，係黃店黎，有好多人汽水都專登黎買，想儲卡，老闆亦都樂意同佢地吹水交流。我就無立場的，所以唔會見到黃店特別興奮，我幫襯主要係黎食味道。咁佢對我態度無咁熱情，但都正常。落單俾錢後，我差唔多等咗一個鐘先有野食，等到其他人都走哂...，我張單唔知點解最後？講真我明佢係唔少單（四五張？），但街邊小食要等咁耐其實邊個會食呢，仲要唔係講緊佢有成50個人喺佢間鋪門口排緊隊嗰種。基本上我可以去隔離街食完個煲仔飯過嚟先拎囉，我女朋友過程中係咁發脾氣又話熱又話唔食喇，又話點解人地有得食，佢仲未有，煩都煩到我顛，加上天氣又熱，啲食物嚟到我都冇胃口食。我見前面有啲人嗌左四款嘢食，食完一樣等多15分鐘都未有第樣食，唔講唔知以為廟街都有廚師發板或者法國大餐食囉。仲要出單次序混亂， 後面既人仲有食物早過前面既人。食物味道係正常嘅，係熱辣辣整起，但留意番價錢都唔平囉，我唔預期四十蚊一盒嘅魷魚鬚係得嗰幾條囉？魷魚鬚仲要係我嗌，我俾女朋友媽到飛起，佢
佢門口有好多文宣，係黃店黎，有好多人汽水都專登黎買，想儲卡，老闆亦都樂意同佢地吹水交流。我就無立場的，所以唔會見到黃店特別興奮，我幫襯主要係黎食味道。咁佢對我態度無咁熱情，但都正常。
落單俾錢後，我差唔多等咗一個鐘先有野食，等到其他人都走哂...，我張單唔知點解最後？講真我明佢係唔少單（四五張？），但街邊小食要等咁耐其實邊個會食呢，仲要唔係講緊佢有成50個人喺佢間鋪門口排緊隊嗰種。基本上我可以去隔離街食完個煲仔飯過嚟先拎囉，我女朋友過程中係咁發脾氣又話熱又話唔食喇，又話點解人地有得食，佢仲未有，煩都煩到我顛，加上天氣又熱，啲食物嚟到我都冇胃口食。
我見前面有啲人嗌左四款嘢食，食完一樣等多15分鐘都未有第樣食，唔講唔知以為廟街都有廚師發板或者法國大餐食囉。仲要出單次序混亂， 後面既人仲有食物早過前面既人。
食物味道係正常嘅，係熱辣辣整起，但留意番價錢都唔平囉，我唔預期四十蚊一盒嘅魷魚鬚係得嗰幾條囉？魷魚鬚仲要係我嗌，我俾女朋友媽到飛起，佢話去酒樓嗌碟比我外賣自取仲有八折添。唉，中哂伏。
小店有無心做我唔知，但真係要學下點處理訂單先，就算你好食到飛起都好，都無可能要人等咁耐，買嘅時候佢亦無提起時間要耐啲。何況你只係普通料，價錢唔算平，葵廣掃街平得多。如果你只係想做「同路人」生意，咁你恕我今日黎錯咗，我亦都唔會推介人幫襯。最後廟街環境麻麻，店家會拎櫈比人「堂食」，我係麻甩佬都唔係好接受到。
張貼
